Pugante sa Bicol, nadakip sa Pasig City

MANILA, Philippines - Isang pugante na may kasong murder mula sa Legazpi City, Bicol na nagtago ng halos apat na taon ang naaresto ng mga otoridad sa isang operasyon na isinagawa sa Pasig City kahapon ng umaga.

Ang suspek ay nakila­lang si Alex Malate, 40, na pansamantalang nanunuluyan sa 118-3rd Avenue, Caloocan City na naaresto ng mga otoridad ng Warrant and Subpoena Section ng Pasig City Police at Daraga Albay police dakong alas-9:00 sa loob ng construction site sa Pearl Plaza Condominium na matatagpuan sa Golditop Pearl Avenue, Ortigas Center, Barangay San Antonio, Pasig City.

Ang pagkaaresto kay Malate ay resulta ng limang buwang surveillance na isi­nagawa ng mga ope­ra­tiba matapos na ma­ka­tanggap ng impormas­yon na nagtatrabaho ito bilang construction
worker sa  lugar.

Hindi na nakapalag ang suspek nang ipakita sa kanya ang warrant of arrest na inisyu ni Judge Jose Dy, ng Legazpi City Regional Trial Court branch 7.

Batay sa record, si Ma­late ay wanted sa Daraga City police simula pa noong Hunyo 30, 2009. Kaagad naman itong iti­nurn-over sa Daraga Police Station.