Tandem umilalim sa bus, pisak
MANILA, Philippines - Kapwa nasawi ang dalawang lalaki na sakay ng isang motorsiklo matapos na sila ay mapisak nang mabundol at pumailalim sa isang pampasaherong bus kamakalawa sa kahabaan ng Aguinaldo Highway, Barangay Panapaan 7, Bacoor City, Cavite.
Ang mga nasawi ay kinilalang sina Daryl Padro, 32 at Galos Sotto, nasa hustong gulang at kapwa residente ng RiÂverside, Zone 1A, Dasmariñas City.
Kinasuhan naman ang driver ng San Agustin Bus (TYS-633) na si Gary Corporal, 34, ng E. Zamora St., Barangay Asis 1, Mendes, Cavite.
Sa imbestigasyon, dakong alas-12:45 ng tanghali ay nawalan ng kontrol sa manibela si Corporal at nang sasalpok siya nasa unang Erjohn bus ay kinabig niya ang manibela sa kaliwa at nabundol ang motorsiklo ng dalawang biktima.
Sa lakas ng pagkasalpok ay tumumba ang mga biktima at nasagasaan pa ng nasabing bus na naÂging dahilan ng kanilang kamatayan.
- Latest
