4 pulis sa MM, tinanggal sa serbisyo, 4 na-demote
MANILA, Philippines - Tinanggal sa serbisyo ang 4 na pulis dahil sa mga kinakaharap na kasong kriminal at admiÂnistratibo.
Ang mga tinanggal sa serbisyo ay sina PO3 Jessie Villanueva, ng Eastern Police District (EPD), may kasong pagnanakaw at illegal na pag-aresto; PO2 Joseph Padilla, may kasong murder at attempted murder; PO1 Fulgencio Sideco, illegal discharge of firearms; at PO1 Danilo Buniel ng Manila Police District (MPD) dahil sa pagiging AWOL o absent without official leave.
Na-demote naman ang 4 na pulis na kinilalang sina SPO3 James Caesar Bautista (NPD), may kasong obstruction of justice at dishonesty; PO2 Ronald Beran (NPD), physical injuries at illegal na pagpapaputok ng baril; PO2 Exequiel Arevalo (QCPD) na hindi dumadalo sa mga pagdinig sa korte at PO2 Jun Bernardo na nag-AWOL.
Ang mga sinuspinde naman ay sina PO1 Wilex Daganta (SPD), PO2 Hubert Pascual (EPD), PO2 Ace Mitchell Adenic (EPD), PO1 Forrtunato Sus (QCPD), SPO2 Diosdado Lagajino (QCPD), PO1 Louie Aaron Siscar (NPD), PO1 Franer Gomez (NPD), at PO2 Noli Collado.
Nilinaw ni NCRPO Chief Director, C/Supt. Leonardo Espina na hindi lamang pagsibak at pagsuspinde ang kanilang ginagawa dahil sa nagbibigay din sila ng komendasyon at promosyon sa mga pulis na karapat-dapat, naglilingkod ng tapat at nagkakaloob ng wastong serbisyo at proteksiyon sa publiko.
- Latest
