Sinaksak habang hinihintay ang ka-textmate… bading nakipag-eyeball kay kamatayan
MANILA, Philippines - Naging ugat ng kamatayan ng isang bading ang pakikipag-eyeball matapos siyang saksakin ng isang lalaking nagdaraan habang naghihintay sa ka-textmate kahapon ng madaling-araw sa Quezon City.
Ang biktima na namatay noon din ay nakilala lamang sa alyas na “Kyeme”, ang edad ay nasa pagitan ng 35-40, balingkinitan ang katawan, may taas na 5’5” nakasuot ng kulay asul na t-shirt, itim na pants at pares ng sinelas.
Ayon sa mga katagpong textmate ni Kyeme, na miyembro ng kanilang text clan na nagdesisyong magkita-kita sila sa lugar para lubusang magkakilala dahil tanging palitan lang ng text message sila nagkakausap.
Sa pagsisiyasat ni SPO1 Eric Lazo, dakong alas-4:40 ng madaling-araw ay nagdesisyong magkita-kita sa unang pagkakataon ang mga miyembro ng text clan kasama ang biktima sa harap ng city bus terminal na matatagpuan sa #2056 Quirino Highway, Brgy.Monica, Novaliches.
Habang naghihintay ang biktima at ibang kasama ay lumapit dito ang limang kalalakihan at isa sa mga ito ang bumunot ng patalim at sinaksak ang una.
Tinangkang awatin ng kasamahan ng biktima na si Steve Paul, 22 ang suspek, subalit siya naman ang binalingan at sinaksak sa kamay bago tumakas.
- Latest
