Trader tinaniman ng 5 bala

MANILA, Philippines - Limang bala ang itinanim sa ulo at katawan ng isang negosyante nang pagbabarilin ng mga suspek na nakamo­torsiklo kahapon sa Quezon City.

Ang biktima na namatay noon din ay nakilalang si Michael Domo, 34, may-asawa ng no. 2 Dama de Noche, Brgy. Payatas sa lungsod.

Batay sa ulat, ganap na alas-6:45 ng umaga ay nagbubukas ang biktima ng kanyang tindahan na Ritz and R. C motorcycle parts & accessories na ma­tatagpuan sa panulukan ng IBP road, kanto ng Katuparan, Brgy. Payatas nang dumating ang isang motorsiklo na sinasakyan ng mga suspek.

Bumaba ang angkas at bumunot ng baril sabay lapit sa biktima at pinagbabaril.

Nang masigurong patay na ay mabilis na tuma­kas ang mga ito.