Among babae pinatay at pinagnakawan ng katulong

MANILA, Philippines - Tinadtad ng saksak ang isang among babae ng kanyang katulong na babae habang ito ay ma­himbing na natutulog  sa kuwarto ng kanyang bahay sa Mandaluyong City kahapon ng madaling-araw.

Namatay noon din ang biktima na si Solina Viray, 40, dalaga, na nakatira sa Barangka Drive sa lungsod. Habang nasugatan ang lola nitong si Solina na si Milagros Viray, 81-anyos na isinugod sa Victor Po­tenciano Me­mo­rial Center.

Pinag­hahanap naman ang suspek na si Oranesa Bogcalao, tubong Calaba­nga, Camarines Sur.

Batay sa ulat, dakong alas-4:30 ng madaling araw ay pinasok ng sus­pek ang kuwarto ng kan­yang amo at agad na pi­nagsasaksak habang ito ay mahimbing na natutulog saka kinuha ang hindi
pa batid na dami ng pera.

Nagising naman ang matanda habang papalabas ng kuwarto ang suspek kaya pinagsasaksak din ito.