Olympic berths target ng Philippine boxers

MANILA, Philippines — Puntirya ng Pinoy bo­xing team na makasuntok ng tiket sa 2026 Olympic Games sa Los Angeles, Ca­lifornia.

Sariwa pa ang bo­xing team sa kampanya sa Asian Games sa Nagoya, Japan kung saan isang pilak na me­dalya lamang ang naiuwi ng koponan.

Galing ito kay Tokyo Olympics silver medalist Carlo Paalam na nagkasya sa pilak matapos matalo sa finals laban kay Rui Ya­maguchi ng host Japan sa men’s 55kg division.

Kaya naman desidido ang boxing team na maka­resbak upang makahirit ng tiket sa LA Olympics.

Unang lalahukan ng ko­ponan ang 2027 World Boxing Championships sa Astana, Kazakhstan na ga­ganapin sa Abril.

Ito ang unang qualifying event para sa LA Olympics.

Nakalaan ang 44 na Olympic spots sa event.

May 14 weight classes ang paglalabanan.

Pito ang sa men’s division at pito rin sa women class.

Maliban kay Paalam, ta­target din ng tiket sa LA Olympics sina Tokyo Olympics bronze medalist Eumir Marcial at sina Paris Olympics bronze meda­lists Nesthy Petecio at Aira Villegas.

Maliban sa World Championships, tatlo pang events ang magiging qualifying tournament para sa LA Olympics.

Isa na ang Asian Bo­xing Championships sa Chi­na at dalawa pang world qualifying tournaments na gaganapin naman sa 2028.