Boatwright-Brownlee pair

Kumpiyansa si Samahang Basketbol ng Pilipinas executive director Ericka Dy makukumpleto ang naturalization ni Bennie Boatwright in time para makasama sa Gilas Pilipinas pool para sa 2026 Asian Games sa Nagoya, Japan sa Agosto.

Nabinbin ang final reading ng naturalization bill sa Senado dahil hindi nakalipad pa-Manila si Boatwright, few weeks ago.

Pero dahil kasalukuyang naglalaro na uli sa PBA, inaasahan maisasalang na siya uli sa Senate hearing, makukuha ang matamis na “oo” ng mga senador at makakasama sina Justin Brownlee at Ange Kouame sa pool of Gilas naturalized players.

At base sa basa ni Dy sa Nagoya Games technical handbook, maaari pang maisalang ang tatlo sa laban sa 2026 Asiad ? kung saan habol ng Gilas idepensa ang gold medal na napanalunan sa Hangzhou.

“Remember, naglaro nang magkasama sina Brownlee at Kouame sa Hangzhou,” ani Dy.

Pero syempre, decision ni coach Tim Cone kung sino ang kanyang Fighting 12.

Maari itong Boatwright-Brownlee tandem na pa?gungunahan sina June Mar Fajardo, AJ Edu, Dwight Ramos, Calvin Oftana, Kevin Quiambao, Carl Tamayo, CJ Perez at Scottie Thompson.

Depende kung available si Kai Sotto.

Malalim na ang pool na kasama rin sina Quentin Millora-Brown, Chris Newsome, RJ Abarrientos, Juan Gomez de Lia?, Jamie Malonzo at Justine Baltazar.

 Pero hindi madali ang mission.

For one, nagngingitngit ang China matapos ang Hanzhou debacle. Matibay ang preparasyon ng host Japan. At steady sa laban ang Korea.

Hindi rin pwedeng balewalain ang Middle Eastern teams kahit sabihin pang-ipit sila sa US/Israel-Iran conflict.