Marcial nakasingit ng ginto sa SEAG
MANILA, Philippines — Iwinagayway ni boxer Eumir Felix Marcial ang bandila ng Team Philippines kasama ang Gilas Pilipinas Women, Alas Pilipinas Women at RP Blu Girls sa 33rd Southeast Asian Games kahapon sa Thailand.
Tinakasan ni Marcial si Maikhe Roberrd Muskita ng Indonesia via split decision sa finals ng men’s 80 kilogram division para suntukin ang gold medal.
Tanging si Marcial ang nakasingit ng ginto sa hanay ng tatlo pang national boxers.
Nagkasya sa pilak sina Aira Villegas (women’s 50kg), Flint Jara (men’s 54kg) at Jay Bryan Baricuatro (men’s 48kg).
Sa women’s beach volleyball, ang tambalan nina Bernadeth Pons at Sisi Rondina at dalawahan nina Sunny Villapando at Dij Rodriguez ang tumalo sa Thailand sa finals, 2-0, para kunin ang gold.
Hinataw naman ng RP Blu Girls ang ika-11 sunod na SEA Games gold nang dominahin ang Singapore, 4-1, sa finals.
Nagtakbo si speed skater Peter Groseclose ng gold sa men’s 500m short track at silver sa 1500m short track.
May ginto rin si Samuel German sa men’s obstacle laser run ng modern pentathlon.
Nanatili ang Team Philippines sa sixth place sa overall medal standings sa nahakot na 49 golds, 73 silvers at 151 bronzes.
Hangad ng mga Pinoy athletes na maduplika ang fifth place finish sa 2023 SEA Games na idinaos sa Cambodia kung saan sila nag-uwi ng 58 ginto.
Nasa itaas ng Pinas ang Singapore na may 52 golds, 60 silvers at 86 bronzes.
Bandera ang overall champion Thailand sa nakolektang 231 ginto, 151 pilak at 106 tansong medalya.
Nasa ikalawang puwesto ang Indonesia sa nasikwat na 89 ginto, 110 pilak at 128 tanso kasunod ang Vietnam (86-79-110) at Malaysia (56-57-115).
May ambag na silver si Shyra Aranzado sa women’s modern pentathlon triathle.
Nagpagulong ng gold sina bowlers Kenneth Chua, Marc Dylan Custodio, Artegal Barrientos at Mark Jesus San Jose para pagharian ang men’s team event.
Sa triathlon, nagtakbo si Andrew Kim Remolino ng silver sa men’s individual kasunod si Fernando Jose Casares para sa bronze.
Si Kira Ellis ang kumuha ng silver sa women’s individual.
Sa equestrian, lumundag ng silver si Paola Lorenzo sa individual show jumping gayundin ang women’s ice hockey team.
- Latest
