Eala tutok na sa clay season
MANILA, Philippines — Nakalinya na ang mga clay tournaments na nakatakdang salihan ni Alex Eala na bahagi ng preparasyon nito para sa prestihiyosong French Open.
May tatlong torneo pa ang nadagdag sa listahan ng mga lalahukan ni Eala.
Ito ay ang WTA 1000 Madrid Spain/WTA 125 Vich Spain sa Abril 28 hanggang Mayo 4 sa Spain gayundin sa WTA 1000 Rome Italy sa Mayo 5 hanggang 11 sa Rome, Italy.
Nakalinya pa ang WTA 1000 Rome Italy/ WTA 125 Parma Italy sa Mayo 12 hanggang 18 bilang final tuneup nito bago ang French Open sa Mayo 25 hanggang Hunyo 8.
Nauna nang nakalinya ang 2025 Oeiras Ladies Open na idaraos sa Abril 14 hanggang 20 sa Portugal kung saan top seed ang 19-anyos Pinay netter.
Matapos ang Portugal event, tutulak na ito sa Madrid, Spain para sa Mutua Madrid Open sa Abril 21 hanggang 27.
“Of course, I’m excited for the Grand Slams ahead, Roland Garros,” ani Eala.
Dahil sa kanyang mataas na ranking, hindi na daraan pa sa qualifying round si Eala na kasalukuyang No. 73 sa world rankings.
“I know that I will be in the main draw. So I’m very excited about that. My first time to be in the main draw. So it’s a new experience and everything to gain,” dagdag ni Eala.
Sa portugal, mapapalaban si Eala kontra kina Katie Volynets ng Amerika, Elisabeta Cocciaretto ng Italy, Anna Bordar ng Hungary, Viktoria Golubic ng Switzerland, Yuan Ye ng China, Nuria Parrizas Diaz ng Spain at Sorana Cirstea ng Romania.
- Latest
