TNT sisimulan ang misyon

MANILA, Philippines — Sisimulan ng TNT Tropang Giga ang ka­nilang misyon para sa back-to-back championship.

Lalabanan ng Tropang Giga ang guest team Eas­tern ngayong alas-6:30 ng gabi sa PBA Season 49 Commissiner’s Cup sa Ni­­noy Aquino Stadium sa Malate, Manila.

Sa unang laro sa alas-5 ng hapon ay isasalang ng Meralco Bolts at Tera­fir­ma Dyip ang kanilang mga bagong imports.

Muling gigiyahan ni two-time PBA Best Import Rondae Hollis-Jef­ferson ang TNT matapos akayin ang grupo sa paghahari sa nakaraang Governor’s Cup laban sa karibal na Barangay Gi­nebra.

“If the Governors’ Cup was difficult, I find the Commissioner’s Cup is going to be doubly, if not, 10 times more diffi­cult,” sabi ni coach Chot Re­yes sa season-ending conference na walang height limit ang mga imports.

Makakatuwang ni Hollis-Jefferson sa Tropang Giga sina Jayson Castro, Roger Pogoy, Cal­vin Oftana at Poy Erram, habang itatapat ng Eas­tern sina dating NLEX im­port Cameron Clark, Glenn Yang, Ying Lung Cheung at Sheik Muhammad Sulaiman.

Yumukod ang Hong Kong team sa Rain or Shine, 81-99, para sa ka­ni­lang unang kabiguan sa tatlong laro.

Sa unang laro, ipapa­rada ng Bolts (2-0) ang ba­gong import na si DJ Kennedy kapalit ni inju­red Akil Mitchell.

Hinugot naman ng Dyip (0-3) si Brandon Ed­­wards para saluhin ang trabaho ni Ryan Richards at makamit ang kauna-una­hang panalo.