PVL Rookie Draft itinakda sa Hulyo 8
MANILA, Philippines — Masisilayan sa kauna-unahang pagkakataon ang Premier Volleyball League (PVL) Rookie Draft na gaganapin sa Hulyo 8.
Nasa unahan ng listahan sina middle blocker Thea Gagate at setter Julia Coronel na miyembro ng Alas Pilipinas na nakatanso sa AVC Challenge Cup.
May kabuuang 47 players ang nakapasok sa listahan matapos ang deliberation at screening.
Nagtapos ang deadline ng pagsusumite ng aplikasyon noong Hunyo 12 kung saan nanguna sina Gagate at Coronel.
Kasama nina Gagate at Coronel ang teammates nila sa De La Salle University na sina Maicah Larroza at Leila Cruz.
Pasok din si Pierre Abellana ng UST.
Pito naman ang galing sa Adamson University na sina outside hitters Lucille Almonte at Ishie Lalongisip, opposite spiker AA Adolfo, setters Nikka Yandoc at Angge Alcantara, libero Karen Verdeflor, at middle blocker Sharya Ancheta.
Kasama rin sa listahan sina University of the Philippines graduating seniors Abi Goc (outside hitter), Jewel Encarnacion (outside hitter) at Stephanie Bustrillo (opposite spiker) at sina University of the East players Dara Nieva (opposite spiker) at liberos Jenina Zeta at Dea Villamor at si Ateneo libero Roma Mae Doromal.
Masisilayan din sina abroad-based players Aleiah Torres ng Brock University at Nathalie Ramacula ng Red River College Polytechnic.
Ang iba pang nasa listahan ay sina Daisy Melendres, Bay Anne de Leon, Dodee Batindaan, Robbie Mae Matawaran, Lorraine Pecana, Donnalyn Paralejas, Charmina Dino, Cathrine Almanzan, Camille Belaro, Maxinne Tayag, Lalaine Arizapa, Jewelle Bermillo, Razel Aldea, Sandra Dayao, Lovely Zap, Lian Macasiray, Andre Jardio, Jamie Solina, Danya Casino, Danivah Aying, Caroline Santos, Ysabela Bakabak, Giliana Torres, Mary Grace Vernaiz, CJ Evangelista at Remcel Santos.
- Latest
