Bachmann, Torres sa PSA Forum ngayon

MANILA, Philippines — Bibisita ang mga top Philippine sports officials sa special session ng Philippine Sportswriters Association (PSA) Forum ngayong umaga sa Rizal Memorial Sports Complex.

Tatalakayin nina Philippine Sports Commission (PSC) Chairman Richard Bachmann at Commissioner Walter Torres ang kanilang mga gagawing events at programa para sa taong ito.

Ilalahad ni Bachmann ang planong groundbreaking para sa isang seven-story athletes’ dormitory bukod sa preparasyon para sa Batang Pinoy at ang pagdaraos ng 2024 PSC Invitational Friendship Golf Cup.

Ibibigay naman ni Torres ang ginagawang paghahanda ng PSC para sa BIMPNT-EAGA Friendship Games.

Nakatakda ang public sports program sa alas-10:30 ng umaga at inihahandog ng San Miguel Corporation, PSC, Philippine Olympic Committee, MILO, Smart/PLDT at ArenaPlus, ang 24/7 sports app sa bansa.

Inaanyayahan ni PSA President Nelson Beltran, sports editor ng The Philippine Star, ang mga miyembro na dumalo sa Forum na ila-livestream sa PSA Facebook page fb.com/PhilippineSportswritersAssociation. Isasaere rin ang sesyon sa Radyo Pilipinas 2 at sa kanilang official Facebook page Radyo Pilipinas 2 sports.