Perpetual, Mapua palalakasin ang kapit sa No. 4 spot
MANILA, Philippines — Pakay ng Mapua University Lady Cardinals na kumapit sa No. 4 spot sa team standings sa pakikipagtipan nila sa Jose Rizal University Lady Bombers sa NCAA Season 99 women’s volleyball na lalaruin sa Filoil EcoOil Arena ngayong araw.
Magsisimula ang paluan sa alas-2 ng hapon pagkatapos ng bakbakan sa pagitan ng San Beda University at Perpetual Help na magsisimula ng alas-10 ng umaga.
Tangan ang 2-2 karta, kasalo ng Mapua sa No. 5 spot ang Perpetual Help at kung sakaling manalo ay aakyat sila sa pang-apat na kinauupuan ng Arellano University Lady Chiefs na may 3-2 record.
Tiyak naman na hindi basta magpapadaig ang Kalentong-based squad dahil kailangan nila ng panalo upang makaahon at mapaganda ang karta.
Hawak ng Lady Bombers ang 1-3 card at nasa pang seventh sila kasama ang Lady Red Spikers.
Tulad ng Mapua Lady Cardinals, nais din ng Lady Altas na makasampa sa No. 4 upang mapalakas ang asam na final four.
Sasandalan ng Lady Altas sina reigning MVP Mary Rhose Dapol, Chaila Allaine Omipon, Camille Bustamante at Razel Paula Aldea.
- Latest
