Japanese judo champions darating sa Pinas

MANILA, Philippines — Ilulunsad ng Tokyo Metropolitan Government (TMG) ang kanilang partnership programa kasama ang Philippine Sports Commission (PSC) at Phi­lippine Judo Federation, Inc. (PJFI).

Dahil dito ay apat na dating world judo champions mula sa Japan ang magdaraos ng isang two-give training program para sa mga local athletes at coa­ches sa Judo Coach Dis­patch Project sa Rizal Memorial Sports Complex sa Vito Cruz, Manila.

Layunin ng TMG na magkaroon ng internatio­nal sports development at cultural exchange sa pa­mamagitan ng judo.

“We are honored to col­laborate with the Tokyo Metropolitan Government on this project,” wika ni PSC chairman Richard Bachmann.

“This initiative not only elevates the level of judo in the Philippines but also promotes cultural ex­change and camaraderie through the spirit of sportsmanship,” dagdag pa nito.

Itatampok sa weekend activity ang mga lectures at training mula kay Tokyo Judo Federation president Matagoro Toriumi.

Makakatulong ng pa­mosong national coach sina two-time world championship gold medalist Yu­suyuki Muneta, silver medalist Megumi Tachimoto at Tokyo Boys Judo Team head coach Junri Omori.

Higit sa 200 athletes at coaches ang makikinabang sa ituturo ng mga Tokyo-based judo coaches.

“This initiative not only strengthens the spor­ting ties between our two nations but also serves as a testament to the endu­ring friendship and coope­ration that exist between Japan and the Philippines,” wika ni Bachmann.

Nauna nang nakipagtambal ang PSC sa TMG sa Asian Junior Sports Exchange Games kung saan nagpadala ang sports agency ng mga junior bad­minton at table tennis teams sa Tokyo.