AFAD magbubukas ngayon sa MOA

MANILA, Philippines — Magsisimula na ang limang araw na arms show na 29th Defense and Sporting Arms Show na inorganisa ng Association of Firearms and Ammunition Dealers, Inc. (AFAD).

Tatakbo ito mula Disyembre 7 hanggang 11 sa SMX Con­vention Center sa Mall of Asia sa Pasay City.

Sinabi ni AFAD President Aric Topacio na ang event ay naglalayong magbigay ka­alaman sa public sa usapin ng mga armas at tamang paggamit nito.

“It is time to make our an­nual event into something else. Very soon, beginning this year, we shall be known not just as individual gun en­thusiasts but a unified indus­try,” ani Topacio.

Ipapakita sa event ang mga top-of-the-line local at im­ported firearms, optics, sporting goods at accessories.

Maaaring magtungo ang lahat ng nagnanais masilayan ang iba’t ibang uri ng armas.

Magsisimula ang progra­ma sa alas-10 ng umaga kung saan inaasahang dadaluhan ito ni Sen. Ronald ‘Bato’ De­la Rosa gayundin ng ilang mga opisyales ng Philippine Na­tional Police (PNP) at Armed Forces of the Philippines (AFP).