Gandler bumandera sa panalo ng Cignal HD
MANILA, Philippines — Binanderahan ni Vanie Gandler ang Cignal HD sa 25-15, 25-23, 18-25, 25-19 pagligpit sa Petro Gazz sa Premier Volleyball League Second All-Filipino Conference kahapon sa Philsports Arena sa Pasig City.
Bumanat si Gandler ng career-high 23 points mula sa 19 attacks, 3 blocks at 1 ace para igiya ang HD Spikers sa ikaapat na sunod na arangkada at ilista ang 5-2 kartada.
Nag-ambag si Ces Molina ng 17 points built buhat sa 15 attacks, habang tumipa si Jovelyn Gonzaga ng 7 points at 19 excellent digs.
“Ine-expect naman talaga namin bago pa ang laban na ito, knowing Petro Gazz na puro solid na senior players so talagang alam namin kung paano sila mag-handle ng pressure,” sabi ni coach Shaq delos Santos.
Bumulusok ang Gazz Angels sa ikatlong sunod na kamalasan matapos iposte ang 4-0 record.
Samantala, winalis ng Choco Mucho ang Akari, 25-23, 25-21, 25-19.
- Latest
