Curry, Wiggins nagtulong sa panalo ng Warriors
SAN FRANCISCO — Kumolekta si Stephen Curry ng 24 points, 10 assists at 6 rebounds habang may 20 markers si Andrew Wiggins para ibigay sa nagdedepensang Golden State Warriors ang 111-101 panalo kontra sa New York Knicks.
May 7-9 record ngayon ang Warriors kasama ang 0-8 marka sa road games.
Umiskor din si Klay Thompson ng 20 points kasama ang apat na 3-pointers at may 13, 12 at 10 markers sina Jordan Poole, JaMychal Green at Draymond Green, ayon sa pagkakasunod.
Pinamunuan ni Julius Randle ang Knicks (8-8) sa kanyang 20 points kasunod ang 18 markers ni RJ Barrett.
Sa Washington, tumipa si Bradley Beal ng 27 points at nagposte si Kristaps Porzingis ng 20 points at season-high 17 rebounds sa 117-106 overtime win ng Wizards (9-7) sa Miami Heat (7-9).
Sa Cleveland, humataw si Darius Garland ng 41 points at may 34 markers si Donovan Mitchell sa 132-122 double overtime win ng Cavaliers (9-6) sa Charlotte Hornets (4-13).
Sa Philadelphia, humakot si Joel Embiid ng 32 points, 11 rebounds at 8 assists sa 110-102 pagdaig ng 76ers (8-7) sa Milwaukee Bucks (11-4).
- Latest
