Bagong world champion
Nakakalungkot isipin na walang world boxing champion sa kasalukuyan ang Pinas.
Wala tayong inaabangang malaking laban ng isang Pinoy boxer.
Pumasok ang taon na mayroon tayong limang world boxing champions pero ubos na sila ngayon
Ang sarap balikan iyong mga panahong ang proud ng mga Pinoy sa buong mundo kapag nananalo sina Manny Pacquiao, Nonito Donaire, Jr., Jerwin Ancajas, John Riel Casimero, Donnie Nietes at iba pa.
Retired na si Pacquiao pero mayroon siyang pinaplanong exhibition match laban sa isang Korean martial artist and video blogger na si DK Yoo na magaganap daw sa December, ayon sa balita.
Pero hindi ito ang makakapagbalik sa Pinas sa pedestal dahil exhibition lang naman to.
Inaasahang lalaban sina Ancajas at Casimero bago matapos ang taon gayundin si Nietes na kailan lang ay natalo rin sa Dubai.
Nandiyan pa naman ang mga bata pang sina Mark Magsayo, Rene Cuarto, Melvin Jerusalem at Dave Apolinario.
Sana hindi magtatagal, mayroon na ulit tayong world boxing champion.
- Latest
