Bagong dinastiya, bagong mukha ng Ginebra

Tuwang-tuwa na naman ang buong Barangay sa pagkapanalo ng Ginebra sa katatapos lang na PBA Governors’ Cup noong Biyernes.

Siyempre, ilang araw ‘yan na ang laman ng hun­tahan ang Ginebra.

Sinasabing nakapagtayo na ng dinastiya ang Gin Kings sa PBA dahil sa kanilang apat na Governors’ Cup title, isang Commissioner’s Cup crown at Phi­lippine Cup bubble win sapul noong 2016.

Madami-dami na ring titulo pero konti pa para maging legit na tawaging dynasty dahil kailangang sunud-sunod talaga ang panalo para masabing dynasty.

Sinasabi ring may bagong mukha na ang Ginebra sa katauhan ni Scottie Thompson.

Nakasemento na sa Ginebra ang mukha ng living-legend na si Robert Jaworski. Tapos naririyan sina Bal David at Mark Caguioa.

Tapos ngayon, si Scottie na ang sinasabing bagong mukha ng Ginebra matapos mapa­nalunan ang Finals MVP at Best Player of the Conference.

Bagong mukha, ba­­gong dynasty, ang hindi nagbabago ay ang ‘never-say-die spirit’ ng Ginebra.