Morales bumida sa Isabela Stage 8
ECHAGUE, Isabela, Philippines — Napanatili ni Ronald Oranza ng Navy Standard Insurance ang kapit sa overall lead habang inangkin ni Jan Paul Morales ng Excellent Noodles ang 174.4-kilometer Stage Eight sa 11th LBC Ronda Pilipinas kahapon dito.
Nagposte si Morales, ang 2016 at 2017 Ronda king, ng bilis na apat na oras, 41 minuto at 31 segundo para sa ikalawang lap win.
May pareho ring tiyempo sina Oranza at Marcelo Felipe ng Team Nueva Ecija para tumapos sa second at third place, ayon sa pagkakasunod.
Hawak pa rin ni Oranza, ang 2018 Ronda champion, ang overall lead sa kanyang aggregate time na 27:59:47 habang apat na segundo lang ang agwat ni Morales (28:00:25) matapos makakuha ng 10-second bonus sa pagkopo sa Stage Eight.
Ang iba pang nasa Top Five ay sina Jonel Carcueva ng Go for Gold (28:02:55), Ronald Lomotos ng Navy Standard Insurance (28:08:54) at Felope (28:09:36).
Patuloy ang paghawak ng Navy Standard Insurance sa overall team lead sa itinalang 81:22:24.
- Latest
