Inoue kumuha ng mga Pinoy fighters bilang sparring partners

MANILA, Philippines – Kumuha ng Pinoy sparring partners si International Boxing Federation at World Boxing Association bantamweight champion Naoya Inoue pa­ra maging bahagi ng kanyang training camp.

Nasa Yokohama, Japan si Pinoy boxer Pete Apo­linar para maging kapares ni Inoue sa sparring session bilang paghahanda ng Japanese fighter sa unification bout kontra kay World Boxing Organization bantamweight tit­list John Riel Casimero.

Nakatakda ang laban ni­na Inoue at Casimero sa Abril 25 sa Mandalay Bay sa Las Vegas, Neva­da.

Kaya naman parehong puspusan na ang pagha­handa ng dalawang boksi­ngero para masiguro na ma­bigyan ng magandang laban ang mga manonood sa fight day.

Maliban kay Apolinar, bahagi rin ng Team Inoue sina KJ Cataraja at Prince Albert Pagara bilang spar­ring partners.

Ikinuwento ni Apoli­nar ang estilo ni Inoue.

Aminado ang 24-an­yos na Pinoy pug na ma­lakas ang kamao ni Inoue na pangunahing armas ni­to para manatiling malinis ang 19-0 record tampok ang 16 knockouts.

“Malakas talaga si­ya. Mabibigat ang mga bi­nibitawan niyang suntok and at the same time mabilis siya,” ani Apolinar.

Sinabi pa ni Apolinar na maganda rin ang estilo ni Inoue na malalim ang pasensiya at kinakalkula ang bawat galaw ng kanyang kalaban.