Yee, Reyes mga top vote-getters

MANILA, Philippines – Hinirang sina Mark Yee ng Davao Occidental at Jai Reyes ng Nueva Ecija bilang mga top vote-getters sa 2019-20 Chooks-to-Go MPBL La­kan All-Star starters fan vo­ting.

Nakakuha si Yee, ang MVP runner-up sa nakalipas na season, ng 73-percent ng mga boto sa forward spot sa Southern di­vision.

Kumamada siya ng mga averages na 15.3 points at 11.8 rebounds para akayin ang Tigers sa division-best 24-4 record.

Kumolekta naman si Reyes ng Rice Vanguards ng 67.8-percent ng mga boto para sa point guard position sa Northern division.

Mayroon siyang mga averages na 12.2 points, 6.2 assists at 3.1 rebounds.