PSA Forum hitik sa bisita
MANILA, Philippines — Mapupuno ng mga bisita ang Philippine Sportswriters Association Forum ngayon.
Ito ay dahil sa pagkakadagdag sa mga tatalakayin ang 1st leg Triple Crown Series sa pang alas-10 ng umagang programa sa Amelie Hotel-Manila.
Si Philippine Racing Commission chairman Andrew A. Sanchez ang tatalakay sa nasabing karera sa Mayo 26 na gagawin sa San Lazaro Leisure Park sa Carmona, Cavite.
Makakasama ng Philracom chief ang five-time PBA Philippine Cup champion San Miguel at mga players ng darating na Premier Volleyball League Season 3 Reinforced Conference sa PSA Forum na inihahandog ng San Miguel Corp. kasama ang Braska Hotel at Philippine Amusement and Gaming Corporation.
Dadalo rin sina volleyball superstars Alyssa Valdez, Myla Pablo, Jovelyn Gonzaga at Dzi Gervacio at league president Ricky Palou.
- Latest
