Belingon magdedepensa ng titulo

MANILA, Philippines — Pipilitin ni reigning at undisputed ONE bantamweight king Kevin “The Silencer” Belingon na maibawi ang naunang pagkatalo nina dating Filipino titlists Joshua Pacio at Geje Eustaquio sa pagsagupa kay da-ting titleholder Bibiano “The Flash” Fernandes ng Brazil sa Marso 31 sa Ryogoku Kokugikan sa Tokyo, Japan.

Ito ang ikatlong pagkakataon na maghaharap sina Belingon at Fernandes.

Unang nagtagpo sina Belingon at Fernandes noong Enero ng 2016 kung saan tinalo ng Brazilian ang Pinoy fighter via first-round submission para sa ONE bantamweight crown.

Walong beses naidepensa ni Fernandes ang kanyang titulo, samantalang anim na sunod na panalo ang inilista ni Belingon sa hangaring mabawi ang ONE bantamweight belt.

Sa kanilang rematch ay tinalo ni Belingon si Fernandes via split decision noong Nobyembre ng 2018 sa ONE: Heart of the Lions sa Singapore.

Itinampok ni Beli-ngon ang kanyang elite striking para sapawan ang world-class Brazilian Jiu-Jitsu na si Fernandes.

Sa main event ng ONE: A New Era ay idedepensa ni reigning ONE lightweight title-holder Eduard “Landslide” Folayang ang kanyang korona laban kay Japanese mixed martial arts legend Shinya “Tobikan Judan” Aoki.

Itataya naman ni reigning ONE womens’ strawweight queen “The Panda” Xiong Jing Nan ng China ang kanyang suot na titulo laban kay ONE atomweight titlist “Unstoppable” Angela Lee ng Singapore.

Lalabanan ni ONE middleweight champion Aung La “The Burmese Python” N Sang ng Myanmar si Japanese challenger Ken Hasegawa.

Makikita rin sa aksyon si Demetrious “Mighty Mouse” Johnson na sasagupa kay Yuya “Little Piranha” Wakamatsu sa quarterfinal bout ng ONE flyweight Grand Prix, habang makakatapat ni Eddie “The Underground King” Alvarez si Russian Timofey Nastyukhin sa lightweight Grand Prix.