Pangarap sa football tutuparin ng Allianz

MANILA, Philippines — Sa pamamagitan ng National Youth Futsal Invitational na magsisimula bago matapos ang buwang kasalukuyan, layunin ng Allianz PNB Life Insurance Inc. na makadiskubre ng mga future basketball star.

Muling idaraos ng Allianz National Youth Futsal Invitational (ANYFI) ang 9 regional eliminations para sa Team Pinas Selection kung saan pipiliin ang walong kabataan na sa pagkakataong ito ay lalahukan ng mga babaeng football players para ipadala sa Alliaz Junior Football Camp (AJFC)-Asia sa Bangkok, Thailand sa July para sa pagkakataong magsanay sa Bundesliga champ FC Bayern Munich team sa September kung saan tatlong kabataan ang ipapadala mula sa Pinas.

“Through the ANYFI, were giving kids the chance to get the best training possible with Bayern Munich and help them pursue their dreams of becoming professionals and national team mainstays someday,” pahayag ni Allianz chief operation officer Alex Grenz.

Sa tulong ng Henry V. Moran Foundation at sa suporta ng Philippine Football Federation, ang ANYFI ay may 10-legs tampok ang 12-under, 14-under at 16-under brackets para sa boys at girls na sisimulan sa April 27-28 sa Iloilo City kasunod ang Dipolog sa April 28-29, Baguio (April 30-May-1) Manila sa Muntinlupa National High School sa May 5-6) Naga sa May 4-5, Bacolod sa May 16-17, Cebu sa April 27-29, Davao sa May 5-6 at Cagayan de Oro sa May 5-7 at May 12-13.

Ang top two teams mula sa 14-under at 16-under ay uusad sa Regionals sa May 19-20 sa Sta. Cruz, Laguna para sa Luzon, May 25-26 sa Bacolod para sa Visayas at May 26-27 sa Davao para sa Mindanao.

Ang mga champion sa regionals ay maghaharap-harap sa National Finals sa June 2-3 sa Sta. Cruz Laguna.

Noong nakaraang taon, limang kabataan ang napili sa inaugural staging ng ANYFI para kumatawan ng Pinas sa AJFC-Asia Camp sa Bali, Indonesia kasama ang iba pang kinatawan ng pito pang bansa para magsanay sa ilalim ng mga Bayern football greats na sina Giovane Elber at Klaus Augenthaler. Dalawa dito na sina JM Mitra at Aeron Tenollar ay napili para ipadala sa AJFC World Camp sa Munich.