Donaire gustong resbakan si Rigondeaux sa isang rematch

MANILA, Philippines – Kung may boksingero mang balak resbakan ni world super bantamweight champion Noni­to Donaire, Jr. ito ay si Cuban two-time Olympic gold medalist Guil­lermo Rigondeaux.

Ayon kay Donaire, ibang ‘Filipino Flash’ ang makakasagupa ni Ri­gondeaux sa kanilang rematch.

“There are two es­sen­tial things, the first is that I feel good, and the second is that I’m very healthy. The diffe­rence in this Nonito is the mentality. Today I feel inspired and commit­ted to what I want and I have to do,” wika ni Do­naire sa panayam ng ESPN Deportes.

Muling napasakamay ni Donaire (36-3-0, 23KOs) ang World Boxing Organization super ban­tamweight crown ma­tapos talunin si Mexican fighter Cesar Juarez (17-4-0, 13 KOs) via unanimous decision no­ong Disyembre 12 sa San Juan, Puerto Rico.

Nauna nang isinuot ng 33-anyos na tubong Ta­libon, Bohol ang WBO belt noong 2012 hanggang maagaw ito ni Rigondeaux (16-0-0, 10 KOs) sa kanilang unification fight noong Abril ng 2013.

Matapos ang natu­rang pagkatalo kay Ri­gondeaux ay umakyat si Donaire sa featherweight division kung sa­an siya nanalo ng dalawang sunod.

Tinalo siya ni Jamaican star Nicholas Walters noong Oktubre ng 2014 sa Carson, California.

Nagdesisyon si Do­naire na bumalik sa super bantamweight class para sa hangaring mu­ling makakuha ng championship title.

Tinalo ni Donaire si Juarez para angkinin ang binakante ni Rigondeaux na WBO super ban­tamweight crown.

“I’m back to 122 pounds, I’ve come to re­gain control, I want to regain the division and do what I need to do,” ani Donaire “If Ri­gondeaux is still here I would love nothing more than to have the opportunity to face him again and let him deal with this Nonito,” sabi ni Donaire.