Araña nahaharap sa suspensyon

MANILA, Philippines – Dahil sa kanyang pagsiko sa mukha ni Alaska forward Calvin Abueva noong Miyerkules ay po­sibleng maharap sa sus­pen­syon o multa si San Miguel guard Ryan Araña.

Nakatakdang bumisi­ta si Araña sa opisina ni PBA Commisisoner Chito Narvasa sa Martes para hi­­ngin ang kanyang paliwanag.

Nangyari ang insidente sa pagtatapos ng first quarter kung saan nag-aa­gawan sa puwesto sina Ara­ña at Abueva.

Ang ginawang pagsi­ko ni Araña sa mukha ni Abueva ang nagresulta sa kanyang Flagrant Fould 2 na awtomatikong pagsibak sa laro.

Tinalo ng Aces ang Beer­men, 103-97, para pi­gilan ang seven-game win­ning streak ng San Mi­guel pati na ang pag­dak­ma sa unang outright se­mifinals berth.

“Hindi ko iniisip na si­nadya niya iyon, basta ma­saya ako at nanalo ka­mi sa game,” sabi ni Abueva.

Tumapos ang dating San Sebastian Stags star na may 17 points at 11 rebounds para sa pang-wa­long panalo ng Alaska na nagpalakas sa kanilang tsansa para makuha ang outright semifinals ticket.

“Unintentional naman ‘yun. Hindi naman natin ginawa ‘yun para masaktan siya,” sabi naman ni Ara­ña.