Naggagandahang imports magpapainit sa nalalapit na Superliga Grand Prix

MANILA, Philippines - Hindi pa man pormal na binubuksan ang 2015 Philippine Superliga (PSL) Grand Prix ay kinasa-sabikan na ito dahil sa itatampok na mga mahuhusay at magagandang reinforcements.

Ang mga inaasahang magiging instant sensations ay sina Lynda Morales ng RC Cola-Air Force, Bojana Todorovic ng Philips Gold at Christina Alessi ng Meralco.

Ito ay dahil sa kanilang mga impresibong kredensyal, malawak na international experience at magagan-dang mukha na paparada sa pagsisimula ng torneo sa Sabado sa Alonte Sports Arena sa Biñan, Laguna.

Isang 6-foot-1 middle blocker, ang 27-anyos na si Morales ay isang active member ng Puerto Rican women’s national volleyball team at kasalukuyang sumasabak sa mabibigat na World Grand Prix sa Turkey.

Makakatambal niya si Sarah McClinton, isa sa mga pinakamahusay na volleyball players mula sa Kansas University.

“We haven’t personally seen Lynda, but I think she is the player we badly need,” sabi ni RC Cola-Air Force coach Rhovyl Verayo. “She is a middle blocker and an experienced international campaigner. She will be the anchor of our defense and will play an active role in our offensive attack. I think we found a gem in her.”

Inaasahan ding aagaw ng atensyon sa torneo sina Todorovic at Alessi.

Ang 5’11 na si Todorovic ay isang outside hitter na pinamunuan ang US National Collegiate Athletic Association (NCAA) Division I program ng University of California-Los Angeles (UCLA) sa national title noong 2011. Makakatuwang niya si 6’5 Alexis Olgard.

Sumabak naman si Alessi para sa Palm Beach Atlantic University sa US NCAA at nagkaroon ng international experience bilang import sa isang commercial league sa Sweden.

Si Liis Kullerkann, naglaro para sa Ohio University bago kumampanya sa Estonian national team noong 2014 FIVB World Championships, ang makaka-partner ni Alessi.

“Christina is a left-handed attacker who loves to keep the defense guessing,” wika ni Meralco assistant coach Carissa Gotis. “With Christina and another powerful attacker in Liis as our main weapons, I think we’ll go deep into the tournament. They are who we exactly need.”

Inaasahan naman ni PSL president Ramon “Tats” Suzara ang isang eksplosibong volleyball season dahil sa mga malalakas na imports.

“Hiring the world’s best imports is the league’s commitment to the volleyball program in the country,” ani Suzara, active member ng International Volleyball Federation (FIVB) at Asian Volleyball Confederation (AVC).

“Our goal is not only to raise the level of competition and provide world-class volleyball action, but also to have these imports share their experience, techniques and technology to their local teammates.”

Ang iba pang imports na makikita sa liga ay sina Brazilian juniors national team standouts Rupia Inck at Erica Adachi ng Petron, dating United States girls training pool member Katie Messing at Lindsay Stalzer ng Foton at sina Minnesota standout Amanda Anderson at Oregon star Ariel Usher ng Cignal.