Foreign players magpapasikat uli sa 2015 Superliga Grand Prix
MANILA, Philippines - Muling papagitna ang mga magaganda at talentadong foreign players sa paghataw ng 2015 Philippine Superliga (PSL) Grand Prix sa Oktubre 10 sa Alonte Sports Arena sa Biñan, Laguna.
“The world’s prettiest and strongest imports will be coming for the Grand Prix,” sabi ni PSL president Ramon “Tats” Suzara. “Their presence will surely boost the morale of our locals and increase the level of competition to make it better, more exciting than ever.”
Ang mga tinutukoy ni Suzara ay sina Brazilian setter Erica Adachi at Rupia Inck ng Petron Blaze Spikers, American Lindsay Stalzer para sa Foton at iba pang foreign players mula sa Puerto Rico, Italy at Cuba.
Si Adachi ay naglaro para sa Blaze Spikers, kakampanya sa Asian Wo-men’s Club Championship sa Ha Nam Vietnam sa Sept. 12-20, noong nakaraang Grand Prix kagaya ni Stalzer na kumampanya para sa Cignal.
Ang six-footer namang si Inck ay naging miyembro ng Brazilian juniors team bago nag-laro para sa Fresno State University sa US NCAA Division I.
Makakatuwang naman ni Stalzer para sa Foton sina Angeli Araneta, Bea Tan, Nicole Tiamzon, Patty Orendain at beach volley specialist Fiola Ceballos.
Idedepensa ng Petron ang kanilang korona laban sa Foton, Cignal, Meralco-DLSU, Philips Gold at RC Cola-Air Force.
Inaasahan namang babalik sa torneo ang three-time champion na Philippine Army.
“This is getting more intense, more competitive,” wika ni Suzara. “Major companies want to be represented and they will do whatever they can to build the strongest team possible. So far, we already have six. But two, or possibly three more equally strong teams are coming to spice up the tournament.”
- Latest
