FEU, UP at La Salle sumikwat ng tiket sa semis ng men’s football
MANILA, Philippines – Nakakuha ng upuan sa semifinal round ang FEU Tamaraws, UP Maroons at La Salle Green Archers sa UAAP men’s football nang manalo sa kanilang mga laro kamakailan.
Nanatiling magkasalo sa liderato ang nagdedepensang Tamaraws at ang Maroons bitbit ang 27 puntos nang kunin ng una ang 6-0 panalo laban sa UST Tigers, habang may 2-0 tagumpay ang Maroons laban sa UE Warriors.
Tinalo ng Green Archers ang Adamson Falcons, 2-0, para kunin ang ikatlong upuan sa Final Four sa kabuuang 26 puntos.
Ang huling tiket ay pinaglalabanan pa ng NU Bulldogs at ng Ateneo Blue Eagles.
Tinalo ng Bulldogs ang Blue Eagles, 1-0, para upuan ang pinaglalabanang puwesto sa 23 puntos, pero isa lang ang kanilang lamang sa tinalong koponan na may 22 puntos.
- Latest
