Wiggins nagbida sa panalo ng World laban sa U.S. team sa All-Star Weekend

NEW YORK – Tumipa si Andrew Wiggins ng 22 points, habang nagdagdag si Rudy Go­bert ng 18 points, 12 rebounds at 3 blocked shots para banderahan ang World team laban sa U.S., 121-112, sa Ri­sing Stars Challenge  ng NBA All-Star Weekend.

Hinirang si Wiggins, ang No. 1 pick mula sa Canada na kinuha ng Minnesota Timberwolves, bilang Most Va­luable Player ng laro.

Nag-ambag si­­na Bojan Bogdano­vic (Brooklyn Nets) ng Croa­tia, nag­laro sa kan­yang home court, at Nikola Mi­rotic (Chicago Bulls) ng Montenegro ng tig-16 points para sa World.

Sina Victor Oladipo ng Orlando Magic at Zach LaVine ng Timberwolves ay kumamada na­man ng tig-22 points sa panig ng U.S. team sa laro sa pagitan ng mga rookies at second-year players.

Ito ay ang bagong for­mat para sa ope­ning game ng All-Star Weekend na orihinal na ginawa para sa laro ng mga rookies na gina­wang rookies kontra sa second-year players at ngayon ay pinalitan ng world laban sa U.S. pla­yers.

Karamihan sa natu­rang laro ay mga 1-on-1 play at konting depensa.

Ang ilan sa mga slam dunks ay impresibo kung saan ang apat na nag­salpak ay lalaban sa slam dunk contest.

Tumapos si Gorgui Dieng (Timberwolves) ng  Senegal na may 14 points, habang nagta­la si Giannis Anteto­kounmpo (Milwaukee Bucks) ng Greece ng 12 points at 10 rebounds pa­ra sa World.

Nagtala si Trey Burke ng Utah Jazz ng 17 points para sa nabi­gong U.S. team.