Badminton, volleyball sa PSA Forum
MANILA, Philippines – Isang malaking badminton event at ang paglulunsad sa bagong women’s volleyball team ang papagitna sa Philippine Sportswriters Association (PSA) Forum ngayon sa Shakey’s Malate.
Ilalahad nina Philippine Badminton Association (PBA) secretary-general Rep. Albee Benitez at coach at tournament director Nelson Asuncion ang idaraos na Bingo Bonanza national open tournament na nakatakda sa Nobyembre 27-30 sa Rizal Memorial badminton hall.
Makakasama ng mga badminton personalities sa sesyon na isinasaere ng DZSR Sports Radio 918 at inihahandog ng Phi-lippine Amusement and Gaming Corp. (PAGCOR), Shakey’s at Accel ang mga officials at volleyball players ng Meralco.
Sina Ryan Gregorio, ang vice president at head ng sports and youth advocacy ng Meralco, team manager Ferdie Geluz, ang Meralco vice president at head ng Home and MicroBiz-Central Business Area, Joe Zaldarriaga, ang assistant vice president at head ng Meralco’s public information office at coach Brian Esquibel ang mangunguna para sa volleyball squad.
Dadalo din sina Power Spikers Maureen Ouano (team captain), Maica Morada (co-captain), Aby Maraño, Steph Mercado at Jen Reyes.
- Latest
