FEU spikers nakabawi
MANILA, Philippines - Nailabas ng FEU Tamaraws ang tibay ng dibdib nang bumangon mula sa pagkatalo sa unang dalawang sets bago itakas ang 17-25, 21-25, 25-23, 25-20, 16-14 panalo sa Rizal Technological University Blue Thunders sa Shakey’s V-League Season 11 Foreign Reinforced Conference kagabi sa The Arena sa San Juan City.
Ang ikatlong laro sa men’s division sa ligang inor-ganisa ng Sports Vision katuwang ang Shakey’s ay uma-bot sa five sets at nakuha pa ng Tamaraws ang panalo kahit naiwanan ng Blue Thunders sa 7-10 sa huling set.
Si Greg Dolor ay mayroong 14 hits at tatlong blocks tungo sa nangungunang 18 puntos habang sina Joshua Barrica at Jeric Gacutan ay tumapos bitbit ang 15 at 13 hits. Si Barrica ay may 11 digs habang si Manolo Refugia ay may 65 excellent sets para makabawi ang FEU mula sa limang sets pagkatalo sa Systema Active Smashers sa unang laro.
May 18 hits si Sahud Masahod na kinatampukan ng 16 kills at dalawang aces para sa RTU na nalagay sa ikaapat na puwesto sa ligang may ayuda rin ng Accel at Mikasa.
Agad na gumana ang atake ng Blue Thunders sa unang dalawang yugto pero hindi nila nagawang tapusin ang FEU na nakahanap ng paraan para makabangon.
- Latest
