Tamaraws sumuwag ng playoff sa Final Four

MANILA, Philippines - Inupuan ng FEU Ta­maraws ang playoff spot sa 77th UAAP men’s bas­ketball Final Four sa pa­mamagitan ng 75-69 panalo laban sa UP Maroons kagabi sa Smart Araneta Coliseum.

Nagpakawala ng isang three-pointer at dalawang free throws si Alejandrino Iñigo sa huling dalawang minuto ng labanan para pa­siglahin ang 7-0 run pa­tungo sa pagsuwag ng Tamaraws sa kanilang ika-siyam na panalo sa 11 laro.

“Thank God at puma­sok ang mga tira ni Archie,” agad na naibulalas ni FEU assistant coach Eric Gonzales na siyang dumiskarte dahil ang head coach na si Nash Racela ay na­sa Spain kasama ang Gilas Pilipinas na kuma­kampanya sa 2014 FIBA World Cup.

Sina Mike Tolomia, Mark Belo at import Anthony Har­grove ang na­nguna sa FEU sa 19, 14 at 11 puntos.

Tila nasa UP ang mo­mentum papasok sa hu­ling dalawang minuto ng bakbakan nang maipasok ni Diego Dario ang tres para sa 69-68 abante.

Kumapit naman ang Ate­neo Blue Eagles sa ika­lawang puwesto sa  69-58 panalo sa UST Tigers sa ikalawang laro.

May 23 puntos sa 10-of-22 shooting si Kiefer Ra­vena.

FEU 75 – Tolomia 19, Belo 14, Hargrove 11, Iñigo 8, Pogoy 7, Cruz 7, Lee Yu 5, Jose 4, Tamsi 0, Ugsang 0, Denila 0.

UP 69 – Gallarza 18, Re­yes 14, Dario 10, Moralde 9, Juruena 8, Lao 4, Gingerich 3, Vito 3, Harris 0.

Quarterscores: 19-18; 35-35; 53-52; 75-69.