Khan posibleng makalaban si Pacquiao
MANILA, Philippines - May posibilidad na magkrus ang landas ng dating sparmates na sina Manny Pacquiao at Amir Khan.
Sinabi ni Khan na kapag hindi naplantsa ang laban niya kay Floyd Mayweather, Jr. sa Mayo ng 2015 ay sasagupain niya si Pacquiao.
“If the Mayweather fight happens, it happens. If it doesn’t, it doesn’t. It’s one of those fights I wanted and everyone else wanted. I really believe the speed could have given him a lot of problems,” wika ni Khan sa panayam ng The Telegraph.
Ilang beses naging sparmates sina Pacquiao at Khan sa ilalim ni chief trainer Freddie Roach.
Minsan na ring tinanggihan ni Khan ang pagharap kay Pacquiao dahil sa pagrespeto niya sa Filipino world eight-division champion.
“Manny Pacquiao is another name. What a great story line that would make. Amir Khan fighting his old sparring partner and friend, Manny Pacquiao,” wika ni Khan.
Matapos matalo kina Timothy Bradley, Jr. at Juan Manuel Marquez noong 2012 ay bumangon ang 35-anyos na si ‘Pacman’ mula sa mga panalo kina Brandon ‘Bam Bam’ Rios Timothy Bradley, Jr.
Nakatakdang labanan ng 5-foot-6 na si Pacquiao ang 5’10 na si Chris Algieri sa Nobyembre 22 sa Macau, China.
“Manny Pacquiao is still the same fighter,” ani Khan sa Sarangani Congressman.
- Latest
