Interesado si Alvarez kung ayaw ni Marquez
MANILA, Philippines - Kung nagdadalawang-isip si Juan Manuel Marquez na labanan si Manny Pacquiao sa pang-limang pagkakataon ay handa naman si Mexican star Saul ‘Canelo’ Alvarez na harapin si ‘Pacman’ anumang oras.
Ito ang sinabi ni Alvarez sa isang panayam ng BoxingScene.con kaugnay sa posibilidad na makalaban niya si Pacquiao.
“I think it’s a fight that could probably happen. They are fighters that are in their moment and if that fight happens, we’re ready,†wika ng 23-anyos na si Alvarez.
Si Alvarez ay kasalukuyang luma-laban sa light middleweight division at kailangang bumaba sa welterweight kung haharapin ang 35-anyos na si Pacquiao.
Sinabi ni chief trainer Freddie Roach na para maitakda ang Pacquiao-Alvarez fight ay dapat bumaba ang Mexican sa 150 pounds.
“I think 152-pounds is too much for Manny. If he manages to get down to 150-pounds it would be much better,†sabi ni Roach kay Alvarez.
“But first let’s see what happens. We’ve had no offers on that fight.â€
Hindi naman papayag si Alvarez sa isang catchweight fight matapos siyang matalo kay Floyd Mayweather Jr. noong nakaraang taon.
“Those days are over. I don’t fight outside my weight class. That’s the first thing I learned in my fight with Floyd. I don’t fight outside my weight. If they want to fight at 154 then we can move forward and if not, I’ll continue with my career,†ani Alvarez.
Nauna nang inihayag ni Bob Arum ng Top Rank Promotions ang mga pa-ngalan nina Marquez, World Boxing Organization (WBO) light welterweight titlist Ruslan Provodnikov, contender Chris Algieri at Argentinian welterweight Carlos Abregu sa mga posibleng labanan ni Pacquiao.
Nakatakdang itaya ni Provodnikov, alaga rin ni Roach, ang kanyang WBO light welterweight title kontra kay Algieri sa Hunyo 14 sa Brooklyn, New York.
Kung mananalo si Provodnikov kay Algieri ay malakas ang tsansang siya ang ilaban ni Arum kay Pacquiao. (RC)
- Latest
