AUBURN HILLS, Michigan – Bagama’t paos ang boses ng interim coach na si John Loyer sa pagbibigay ng instructions, nakawala si Brandon Jennings at ang Detroit Pistons sa San Antonio Spurs sa third quarter.
Tumapos si Jennings ng 21 points nang igupo ng Pistons ang San Antonio, 109-100 nitong Lunes ng gabi sa debut game ni Loyer bilang coach.
Biglaang sinibak ng Detroit si Maurice Cheeks noong Linggo matapos ang 50 games bilang coach. Bagama’t hindi nakakatuwa ang ipinakikita ng Detroit sa halos kabuuan ng season, pero mas maganda na ang kanilang performance nitong huli.
Ang komportableng panalo kontra sa Spurs ay ikalima ng Detroit sa 7-games.
“I told them it was going to be an emotional day,†sabi ni Loyer. “I told them I thought we can play, collectively, for longer periods of time better than we have.â€
Umiskor si Rodney Stuckey ng 20 points para sa Pistons at nagdagdag si Greg Monroe ng 15 points at 10 rebounds. Pinangunahan ni Marco Belinelli ang Spurs sa kanyang 20 points.