Bobcats pinulutan ang Lakers; Thunder pinayukod ang Nets
LOS ANGELES -- Humakot si Al Jefferson ng career high na 40 points, ang 16 ay kanyang iniskor sa fourth quarter, at humakot ng 18 rebounds para igiya ang Charlotte Bobcats sa 110-100 panalo kontra sa Los Angeles Lakers.
Nalasap ng Lakers ang kanilang ikaanim na sunod na kamalasan.
“I have those moments,†sabi ni Jefferson. “They kept running plays for me and I kept scoring. In the first quarter, they weren’t going down for me, but I just kept staying with it because I knew sooner or later it would start going down for me.â€
Nagtala si Jefferson ng isang franchise record sa kanyang ika-11 sunod na laro sa pag-iskor ng 20 o higit pang puntos na sumira sa marka ni Jason Richardson noong 2007-08 season.
Naglista si Jefferson ng mga averages na 19.9 points at 10.7 boards, ngunit hindi siya napili para sa All-Star game.
Nagdagdag si Gerald Henderson ng 20 points para sa Bobcats, habang naglista si guard Ramon Sessions ng 13 assists at 9 points.
Hindi pa rin naglalaro sina Kobe Bryant, Steve Nash, Steve Blake, Jordan Farmar at Xavier Henry dahil sa injuries, nalasap ng Lakers ang kanilang ika-18 kabiguan sa huli nilang 21 laro.
Tumipa si Pau Gasol ng 24 points para sa Los Angeles kasunod ang 21 ni Nick Young.
Sa New York, nagwakas na ang 30-point run ni Kevin Durant sa 12 laro matapos umiskor ng 26 marÂkers sa 120-95 paggupo ng Oklahoma City Thunder laban sa Brooklyn Nets.
“That’s the most important streak,’’ sabi ni Durant sa 10-game winning run ngayon ng Thunder.
Nagsalpak naman si Serge Ibaka ng perpektong 12-of-12 fieldgoals para tumapos na may 25 points at 9 rebounds para sa Oklahoma City.
Sa ganda ng laro ng Thunder ay ipinahinga na si Durant sa kabuuan ng fourth quarter.
Inilabas si Durant sa huling 1:15 minuto sa third period ni head coach Scott Brooks at hindi na tinanong ang leading scorer ng NBA kung gusto nitong palawigin ang kanyang scoring streak.
- Latest
