Mabenta ang tickets ng Pacquiao-Rios fight
MANILA, Philippines - Halos isang buwan bago ang banggaan nina Manny Pacquiao at Brandon ‘Bam Bam’ Rios sa The Venetian sa Macau, China ay 80 porsiyento nang ubos ang mga tiket.
Ito ang sinabi ni Venetian Macao Chief Executive Officer (CEO) Ed Tracy sa kanyang pagbisita sa training camp ni Pacquiao sa General Santos City kasama si Bob Arum ng Top Rank Promotions.
“We sold out about 80 percent of the tickets. Only the most expensive ones remain,†wika ni Tracy sa panayam ng Philboxing.
Ang sinasabing ‘expensive tickets’ ni Tracy ay ang Gold Reserve na nagkakahalaga ng HKD/MOP$9,880 (mga P50,000) at ang Silver Reserve na may presyong HKD/MOP$6,480 (higit sa P30,000).
“We expect the remaining tickets to be sold out around Tuesday the fight week when the high-rollers arrive at the Casino,†dagdag pa ni Tracy.
Magiging tampok din sa undercard ng Pacquiao-Rios bout ang ikatlong professional fight ni Chinese national hero Zou Shiming (2-0-0, 0 KOs).
Lalabanan ng nasabing two-time Olympic gold medalist na si Zhou si Juan Toscano (4-0-0, 1 KO) ng Mexico sa isang six-round bout.
Si Zou ay sinasanay din ni Hall of Fame trainer Freddie Roach.
- Latest
