PhilHealth nakopo ang huling twice-to-beat advantage

TEAM    W            L

PNP       6              0

Judiciary               4              2

AFP        4              2

PhilHealth           3              3

MMDA                 2              4

Congress-LGU   2              4

DOJ        0              6

Laro SA LINGGO

(Treston College Gym,

The Fort, Taguig)

4:00 p.m. – AFP

vs Congress/LGU

5:30 p.m. – PhilHealth

vs MMDA

MANILA, Philippines - Inangkin ng PhilHealth ang ikalawa at huling twice-to-beat advantage sa quarterfinals matapos padapain ang Metro Manila Development Authority (MMDA), 77-71 sa pagtatapos ng 1st UNTV Cup elimination noong Linggo sa Treston College Gym sa The Fort, Taguig City.

Kumulekta si Alex Noriega ng 23 puntos, 18 rebounds, 5 blocks at 3 steals habang naghatid ng siyam sa kanyang 13 sa laro si Richard Dominic Hernandez sa huling yugto na dinomina ng PhilHealth para wakasan ang kampanya sa elims bitb

it ang 3-3 baraha.

Tumapos ang koponan sa ikaapat na puwesto at makakasama ang puma-ngatlong Armed Forces of the Philippines (AFP)  na may twice-to-beat advantage sa cross-over quarterfinals na gagawin sa dara-ting na Linggo.

Nagtulung-tulong sina Ronaldo Abaya, Olan Omiping at Jay Misola sa pagtipak ng 48 puntos para makumpleto ng Philippine National Police (PNP) ang 6-0 sweep sa elims bitbit ang 95-84 panalo sa Congress-LGU.

Ang PNP at puma-ngalawang Judiciary (4-2) ay umabante na sa semifinals at may tangan na twice-to-beat advantage sa mga makakalaban.

Ang pagkatalo ng Congress-LGU ay nagresulta para magtabla sila ng MMDA sa 2-4 baraha pero ang huli ang kumuha sa ikalimang puwesto dahil tinalo nila ang tropang hawak ni playing coach Gerry Esplana.

Makakatapat ng AFP ang Congress-LGU habang ang PhilHealth ang makakasukatan ng MMDA sa quarterfinals.