Rambis, Davis assistant coaches ni D’Antoni sa Lakers

EL SEGUNDO, Calif. – Babalik si Kurt Rambis sa coaching staff ng Los Angeles Lakers bilang assistant ni Mike D’Antoni.

Kinuha ng Lakers ang mga dating NBA coaches na sina Rambis at Johnny Davis nitong Lunes para pu-nuin ang coaching staff ni D’Antoni na nasa kanyang ikalawang season sa team.

Si Rambis ang key role player at fan favorite para sa Lakers  noong ‘Showtime’ era. Tatlong taon na siyang konektado sa team sa iba’t ibang kapasidad kabilang ang sandaling pagiging head coach.

Naging assistant coach siya noong 1994-99, 2001-04 at 2005-09 at tumulong sa dalawang NBA titles at apat na finals appearances ng Lakers noong panahon ni coach Phil Jackson.