Petron, Cagayan asam ang semifinals berth

Laro NGAYON

(Philsports Arena)

2 p.m. -- Petron vs PCSO Bingo Milyonaryo

4 p.m. -- Cagayan Valley vs PLDT-MyDSL

MANILA, Philippines - Pangangatawanan ang pagiging seeded teams ang hanap ng Petron at Ca­gayan Valley sa knock­out quarterfinals ng Phi­lip­pine Super Liga Invita­tionals ngayong hapon sa Phil­sports Arena sa Pasig Ci­ty.

Unang sasalang ang Pe­tron laban sa PCSO Bingo Milyonaryo sa ganap na alas-2 ng hapon ba­­go sumunod ang ta­gisan ng Cagayan Valley at PLDT-MyDS sa alas-4.

Ang papalaring mga ko­ponan ang aabante sa se­mifinals.

Naghihintay na sa Final Four na gagawin sa Hulyo 28 sa Mall of Asia Are­na sa Pasay City ang TMS-Philippine Army at  Cignal matapos pamu­nuan ang anim na kopo­nang liga na may ayuda ng Solar Sports, Mikasa at Asics sa 4-1 at 3-2 baraha.

Parehong may 3-2 karta din ang Lady Blaze Spi­kers at ang Lady Ri­sing Suns at pinapaboran sa Puffins at Speed Boos­ters na may  magkatulad na 1-4 baraha.

Matapos ang 3-0 pani­mula ay natalo ang Lady Ri­sing Suns sa huling da­lawang laro sa mga kamay ng Cignal at Petron para mabigo sa asam na diretsong umabante sa Final Four.

Aasahan naman ang pag­tutulungan nina Aiza Maizo-Pontillas, Ma. Angeli Tabaquero, Gretchen Ho, Fille Cainglet at Rhea Di­maculangan para wa­ka­­san na ang laban ng Puf­fins na kanila ring ti­nalo sa eliminasyon, 18-25, 25-21, 25-22, 25-16.