Bosh vs Boozer match-up sa East semifinals

CHICAGO -- Sa Eastern Conference semifinals series, tampok ang duwelo nina Chris Bosh ng Miami Heat at Carlos Boozer ng Chicago Bulls.

Hindi nakaporma sa unang dalawang laro, nagpasikatan sina Bosh at Boozer sa Game 3 noong Biyernes.

Kumolekta si Bosh ng 20 points at 19 rebounds para tulungan ang Heat na talunin ang Bulls, 104-94.

Tumipa naman si Boozer ng 21 points para sa Chicago, ngunit ang Miami ang kumuha ng 2-1 kalama-ngan sa kanilang serye.

Nakatakda ang Game 4 sa Lunes sa United Center.

Ang naging susi sa panalo ng Heat noong Biyernes ay ang pagbibida ni Bosh nang pumalya ang opensa nina LeBron James at Dwyane Wade.