Carlesimo sinibak bilang coach ng Nets
NEW YORK – Matapos gumastos ng $350 million para i-upgrade ang kanilang roster noong nakaraang summer, sisimulan ng Brooklyn Nets ang kanilang offseason sa paghahanap ng bagong coach.


Inihayag ng Nets noong Linggo na hindi na babalik si P.J. Carlesimo bilang coach, ilang oras matapos silang masibak sa unang round ng playoffs.
Tinulungan ni Carlesimo ang Nets sa 49-33 finish matapos palitan si Avery Johnson noong December, para makuha ang No. 4 seed sa Eastern Conference.


Ngunit sinibak sila sa Game 7 ng Chicago Bulls, 99-93 noong Sabado sa unang round ng playoffs.


“The Brooklyn Nets organization would like to thank P.J. for his efforts with the team in his roles as both head coach and assistant, and for his contributions to the team’s success both on and off the court. We wish P.J. and his family only the best in the years to come,’’ sabi ni general manager Billy King sa isang statement.

- Latest
