Knicks nalo kahit wala sina Carmelo at Stoudemire Denver wagi sa Minnesota
NEW YORK – Umiskor si J.R. Smith ng24 points at hindi naging hadlang sa New York Knicks ang pagkawala nina Carmelo Anthony at Amare Stoudemire upang igupo ang Utah Jazz, 113-84 nitong Sabado ng gabi sa NBA.
Umaga bago ang laro, nalaman ng Knicks na oope-rahan si Stoudemire at matagal itong mawawala ngunit maraming off-the-bench scorers ang nag-step-up sa pangunguna ni Steve Novak na umiskor ng 20 points.
Nag-ambag si Alec Burks ng 14 points at si Gordon Hayward ay may 13 para sa Jazz na tinapos ang kanilang road game sa 0-4 road trip para malaglag sa pakikipagtabla sa Los Angeles Lakers para sa ikawalo at final playoff spot sa Western Conference.
Lumaro ang Utah na wala si starting forward Paul Millsap dahil sa pamamaga ng kanang tuhod.
Sa Denver, pinarisan ni Ty Lawson ang kanyang season high na 32 points kabilang ang 14 sa fourth quarter para igupo ng Nuggets ang puro injury na Minnesota, 111-88 na humatak sa kanilang home winning streak sa 13 games, ang kanilang pinakamahaba sa loob ng 14 taon.
- Latest
