Donaire, Arce knockout ang gusto
MANILA, Philippines - Muling nagkita sina unified world super bantamweight champion Nonito ‘The Filipino Flash’ Donaire, Jr. at Mexican challenger Jorge Arce kahapon sa kanilang public workout sa Lou Savarese’s Main Street Boxing Gym sa Houston, Texas.
Unang dumating sa venue ang 34-anyos na si Arce kung saan niya sinabi ang kanyang kahandaan para labanan ang 29-anyos na si Donaire.
Nang lisanin ni Arce ang venue, dumating naman si Donaire.
“The fight’s not going to go the distance,” pangako ni Donaire. “It sucks to go the distance!”
Itataya ni Donaire, nagbabandera ng 30-1-0 win-loss-draw ring record kasama ang 19 KOs, ang kanyang suot na WBO sper bantamweight title kontra kay Arce (60-6-2, 46 KOs) sa Disyembre 16 (Manila time) sa Toyota Center sa Houston, Texas.
“I never talk crap...I set the example. I do my talking inside the ring. I believe that being a professional boxer means you have to carry yourself well. I’m a professional. This is my job. This is what I do,” ani Donaire.
- Latest
