Walo ka HADR teams gipadala sa VisCom sa E.Samar

CEBU, Philippines — Ang Visayas Command (VisCom) mipadala og walo ka Humanitarian Assistance and Disaster Response (HADR) teams ngadto sa Eastern Visayas aron pagtabang sa mga naapektahan sa Super Typhoon Pepito.

Ang HADR Teams gilangkuban sa 66 ka officers ug enlisted personnel gipadala didto aron motabang sa preemptive evacuation sa mga residente sa Eastern Samar.

Dugang team ang gi-deploy aron motabang sa paghatud sa mga  gikinahanglang relief goods sa mga apektadong lugar sa Northern Samar, Eastern Samar, Samar ug Biliran.

Si Lieutenant General Fernando Reyeg, Commander sa VisCom mitataw sa proactive measures nga gihimo.

"The deployment of our HADR Teams reflects our steadfast commitment to supporting the LGUs in their crucial disaster response efforts. Our primary goal is to ensure the safety and well-being of our people affected by the super typhoon. Through our preemptive evacuations and the prompt delivery of relief supplies, we strive to mitigate the impact of the super typhoon and provide the necessary aid for their immediate recovery," ni Reyeg pa.

Ang coordinated efforts sa VisCom ug Local Government Units nahimong yawe alang sa luwas nga pagpabakwi sa gatusan ka mga pamilya gikan sa high-risk areas ug gipaneguro ilang kaluwasan sa epekto sa bagyo. (BANAT NEWS)