Suklam (160)
“Ginulat mo naman ako, Brent,’’ sabi ni Leah matapos halikan sa labi ang kasintahan.
“Mas ginulat mo naman ako sa halik mo. Ulitin mo nga!’’
Nagtawa si Leah at tinampal sa braso si Brent.
Pagkatapos ay dinampot ang kahita ng singsing na regalo ni Brent.
“Ang ganda nito Brent!’’
“Siyempre naman. Pinili ko nang ayos yan para masiyahan ka.’’
“Salamat uli.’’
“Anong salamat? Halikan mo uli ako rito,’’ sabi ni Brent at itinuro ang lips.
“Saka na uli. Baka naman maumay ka sa halik ko.’’
“Hindi ako mauumay.’’
“Sige pumikit ka.’’
Pumikit si Brent at hinalikan uli siya sa labi ni Leah. Mas matagal at masarap.
“Ano okey na?’’ tanong ni Leah na nagtatawa.
“Okey na! Sarap ng lips mo.’’
“Wala pang nakakahalik diyan, ikaw pa lang.”
“Kaya pala ang sarap!’’
Kinurot siya ni Leah sa braso.
“Ano Leah, magpapakasal ka na ba sa akin?”
“Ano pa nga ba? Binigyan mo na ako ng singsing e makakatanggi pa ba ako.’’
“Gusto ko makasal na tayo ngayong taon na ito.’’
“Ikaw ang bahala Brent—ikaw ang masusunod.’’
“Love na love kita Leah.’’
“Ako man Brent. Love na love kita!”
(Itutuloy)
- Latest
