Female personality, gusto laging ibida ang pagiging fashionista
Talbog ng isang sikat na female personality (A) na asawa ng isa ring sikat na male personality na lumabas sa showbiz noon ang dalawang sikat na female personalities (B and C) sa mundo ng fashion!
Kung nag-iiringan ang dalawang female personalities sa mundo ng fashion na si A and B, aba, lamang si A sa kanila!
Kapag naiiimbita kasi sa mga big event si A, talagang dapat kasama sa introduction sa kanya ang pagiging fashionista niya, huh!
Eh halos mula ulo hanggang paa, branded ang suot niya na milyones ang halaga kahit hindi bagay sa kanya!
Gusto ni female personality A na binibigyang-importansiya ang pagiging sunod niya sa uso at hindi dapat mawala sa pagpapakilala sa kanya ang character niyang ‘yon!
Kamuning bakery, mamumudmod ng pandesal
World pandesal ngayong Oktubre 16, Miyerkules.
Kaya naman ang may-ari ng Kamuning Bakery na si Wilson Flores, mamumudmod ng 100,000 free pandesal breads, cheese, sardines, hams, coffees, juices at iba pa kasama sina former senator Ping Lacson at incumbent Senator Imee Marcos sa 85-year-old Kamuning Bakery at Café sa Judge Jimenez St. Cor K-1st Street, Barangay Kamuning, Quezon City.
Take note na maraming politicians, showbiz personalities at iba pa na naging parte na ng buhay ang Kamuning Bakery.
Bukod sa pamimigay ng pandesal at iba pa, kamakailan lang ay nag-donate ng public school building ang Kamuning Bakery Café sa Sinait Integrated School sa most remote rural barangay sa Sinait, Tarlac kung saan dinaluhan ng maraming kilalang politicians sa Tarlac kasama ang officers ng Tarlac Filipino Chinese Chamber of Commerce led by councilor Ato Chua.
Congratulations, Wilson and Kamuning Bakery and Café!
- Latest
